Vartman Pravah
Breaking Newsડિસ્ટ્રીકટદેશસેલવાસ

દાનહ જિલ્લા પ્રશાસન દ્વારા આદિવાસીઓના સશક્‍તિકરણ અને ઉત્‍થાન હેતુ શરૂ કરેલ યોજનાઓની કરેલી સમીક્ષા

જિલ્લા કલેક્‍ટર ભાનુ પ્રભાએ કડકનાથ મરઘી યોજનાના લાભાર્થીઓની મુલાકાત કરી જાણેલી વિવિધ સમસ્‍યા

(વર્તમાન પ્રવાહ ન્‍યુઝ નેટવર્ક)
સેલવાસ,તા.15 : કેન્‍દ્ર શાસિત પ્રદેશ દાદરા નગર હવેલી અને દમણ-દીવ અને લક્ષદ્વીપના પ્રશાસક શ્રી પ્રફુલભાઈ પટેલ દાદરા નગર હવેલીના આદિવાસીઓના સશક્‍તિકરણ અને ઉત્‍થાન માટે અનેક પહેલ કરી રહ્યા છે. જેના સંદર્ભમાં, પંચાયતી રાજ સચિવ, જિલ્લા કલેક્‍ટર, નિવાસી નાયબ કલેક્‍ટર, ખાનવેલ અને દાદરા નગર હવેલી અને દમણ-દીવના અન્‍ય અધિકારીઓ જરૂરિયાતમંદ આદિવાસીઓ સાથે વાર્તાલાપ કરી તેમના આર્થિક સશક્‍તિકરણ માટેની વ્‍યૂહરચના અંગે જરૂરી કાર્યવાહી કરી રહ્યા છે.
આજે ખાનવેલ સબ જિલ્લા વિભાગમાં દાનહ જિલ્લા કલેક્‍ટર શ્રીમતી ભાનુ પ્રભા અને અન્‍ય અધિકારીઓએ આદિવાસી અને નાના ખેડૂતોની આવક બમણી કરવાના હેતુ ઘણી વ્‍યૂહરચનાઓ પર ચર્ચા-વિચારણાં કરવામાં આવી હતી. જેમાં તાજેતરમાં ખાનવેલ સબ જિલ્લા વિસ્‍તારમાં અમલમાં મુકાયેલી કડકનાથ મરઘી યોજનાના અમલીકરણની સમીક્ષા કરવા માટે કલેક્‍ટર સહિતના ઉચ્‍ચ અધિકારીઓએ લાભાર્થીઓની મુલાકાત કરી હતી અને તેઓને જરૂરી માર્ગદર્શન આપ્‍યું હતુંઅને તેમને પડતી મુશ્‍કેલીઓ સાંભળી તેમના ઉકેલની બાહેંધરી આપી હતી.
કડકનાથ મઘરી યોજના ખાનવેલ સબ-ડિવિઝનના આર્થિક રીતે નબળા અને આદિવાસી રહેવાસીઓ, ખાસ કરીને મહિલાઓ માટે ક્રાંતિકારી પરિવર્તન સાબિત થવા જઈ રહી છે. આ યોજના દ્વારા આદિવાસી મહિલાઓ સ્‍વ-રોજગાર દ્વારા દર મહિને 6 થી 7 હજાર રૂપિયા સુધીની કમાણી કરી શકશે. કડકનાથ તેના ઉચ્‍ચ પોષણ મૂલ્‍ય માટે જાણીતી છે અને તેના દ્વારા જિલ્લામાં કુપોષણની સમસ્‍યાને ઘટાડવામાં પણ મદદ મળશે.
અધિકારીઓએ ગ્રામજનો સાથે કળષિ પેદાશો માટે બજાર જોડાણને મજબૂત કરવાની વ્‍યૂહરચના અંગે પણ વિસ્‍તૃત ચર્ચા કરી હતી. જિલ્લાના આદિવાસીઓના સર્વાંગી વિકાસ માટે વહીવટી તંત્ર દ્વારા નજીકના ભવિષ્‍યમાં આવી અનેક યોજનાઓ શરૂ કરવામાં આવનાર હોવાની પણ માહિતી આપી હતી.

Related posts

વલસાડ જિલ્લા કલેક્‍ટર તરીકે સાબરકાંઠાના કલેક્‍ટર નૈમેશ દવેની વરણી કરાઈ

vartmanpravah

રોણવેલ 108ની ટીમે વાંઝર્ટ ગામની મહિલાને એમ્બ્યુલન્સમાં જ પ્રસુતિ કરાવી

vartmanpravah

પ્રધાનમંત્રી નરેન્‍દ્રભાઈ મોદીની દમણ મુલાકાતના ઉપલક્ષમાં દમણવાડાના બારિયાવાડ ખાતે આવેલ પૌરાણિક સોપાની માતાના મંદિરમાં યોજાયેલી મહા આરતી

vartmanpravah

ચીખલી તાલુકામાં વરસાદથી ડાંગરના પાકને થયેલ નુકસાનો સર્વે કરી સહાય ચુકવવા ખેડૂતોની માંગ

vartmanpravah

ગેરકાયદેસર દારૂનો જથ્‍થો પકડવા ગયેલ દાનહ એક્‍સાઈઝની ટીમ પર બુટલેગરોનો હુમલો

vartmanpravah

પારડીમાં હાઈવે ગ્રીલ તોડી ટ્રકે કંપાઉન્‍ડ દીવાલ તોડી પાડી

vartmanpravah

Leave a Comment