વિદ્યાર્થીઓ માટે યોજવામાં આવેલી વાકસ્પર્ધા, ચિત્રકામ અને સૂત્ર લેખન જેવી વિવિધ સ્પર્ધાઓ
(વર્તમાન પ્રવાહ ન્યુઝ નેટવર્ક)
સેલવાસ, તા.21 : દાદરા નગર હવેલીના સેલવાસ ઝંડાચોક સ્થિત પ્રાથમિક હિન્દી કેન્દ્રશાળામાં ‘વિશ્વ જળ દિવસ’ના ઉપલક્ષમાં ‘‘જળ સંરક્ષણ” વિષય ઉપર જાગૃતિ કાર્યક્રમનું આયોજન કરવામાં આવ્યું હતું. આ પ્રસંગે શાળાના શિક્ષકો દ્વારા વિદ્યાર્થીઓને જળ સંરક્ષણની આવશ્યકતા, સ્વચ્છ પાણી યોગ્ય પાણીનું મહત્વ તથા જળ વ્યવસ્થાપન અંગે વિગતવાર જાણકારી આપવામાં આવી હતી. આ અવસરે વિદ્યાર્થીઓ માટે વિવિધ સ્પર્ધાઓનું પણ આયોજન કરવામાં આવ્યું હતું. જેમાં વાક સ્પર્ધા, ચિત્રકામ અને સૂત્ર લેખન જેવી સ્પર્ધામાં વિદ્યાર્થીઓએ ઉત્સાહભેર ભાગ લીધો હતો અને જળ સંરક્ષણનો સુંદર સંદેશ વહેતો કર્યો હતો.
સ્પર્ધાઓમાં શ્રેષ્ઠ ત્રણ સ્પર્ધકોને પુરસ્કાર આપી સન્માનિત કરવામાં આવ્યા હતા. આ પ્રસંગે શાળાના આચાર્ય શ્રી બ્રજભૂષણ, શિક્ષકો સહિત વિદ્યાર્થીઓ ઉપસ્થિત રહ્યા હતા.
