(વર્તમાન પ્રવાહ ન્યુઝ નેટવર્ક)
પારડી, તા.09: પારડીના પરિયા બરવાડી ફળિયામાં રહેતા મનોજભાઈ પટેલ ઉ.વ. 37 સોમવારે સાંજે સરોધીથી તેમનો દીકરો કેવલ તેમજ ભત્રીજાઓપ્રિયાંશ અને માહીને ટયૂશનેથી લઈ બાઇક પર ઘરે આવી રહ્યા હતા. આ દરમ્યાન બરવાડી અને સરોધી વચ્ચે આવેલા સરકારી ફાર્મ પાસે અચાનક એક દીપડો ધસી આવી તેમના પર હુમલો કરી દેતા બાઈક પાછળ બેસેલી માહી નીચે પટકાઈ હતી જ્યારે દીપડાએ મનોજભાઈને પગના ભાગે પંજો મારતા તેઓ પણ ઘાયલ બન્યા હતા પરંતુ બે બાળકોનો બચાવ થયો હતો.
અચાનક થયેલા હુમલામાં મનોજભાઈએ હિમ્મત રાખી દીપડાને લાતો મારતા દીપડો ભાગી છૂટયો હતો.
બંને ઘાયલોને પારડી મોહનદયાળ હોસ્પિટલ સારવાર માટે લવાતા સામન્ય ઈજા હોય સારવાર બાદ રજા આપવામાં આવી હતી. પરંતુ અચાનક કરેલા દીપડાના હુમલાને લઈ ચારે તરફ ભયનો માહોલ ફેલાયો હતો તો ઘટનાની જાણ થતાં પારડી ફોરેસ્ટ વિભાગની ટીમ પણ હોસ્પિટલ દોડી આવી હતી.
Previous post