(વર્તમાન પ્રવાહ ન્યુઝ નેટવર્ક)
પારડી, તા.30: પારડી મચ્છીમાર્કેટ બાજુમાં સઈદભાઈની ચાલમાં રહેતા શિવશંકર રામસુંદર સિંગને દારૂ પીવાની કુટેવ હતી. તેમના પુત્ર સંદીપ સિંગે અને પુત્રવધૂએ દારૂ પીવાની ના કહેતા આ બાબતનું તેમને માઠું લાગી આવ્યું હતું અને વહુ અને પુત્ર પર ગુસ્સે થયા બાદ રાતે ઘરમાં રાખેલ જંતુનાશક ડસ્ટિંગ પાઉડર પાણીમાં નાખી શિવશંકર પી જતા વોમીટ થતા પરિવારના સભ્યો સારવાર માટે પારડી સીએચસી હોસ્પિટલ લઈ ગયા બાદ વધુ સારવાર માટે વલસાડ સિવિલ હોસ્પિટલ ખસેડાયા હતા. જ્યાં સારવાર દરમિયાન 30 માર્ચના સવારે શિવશંકરભાઈએ દમ તોડ્યો હતો. આ બાબતની જાણ પુત્ર સંદીપ સિંગે પારડી પોલીસને કરતાં પારડી પોલીસે મૃતદેહનો કબ્જો લઈ પીએમ કરાવી વધુ કાર્યવાહી હાથ ધરી છે.
