ડેડીકેટેડ ફેટ કોરીડોર ઓફ ઈન્ડિયાએ કલેક્ટર નોટિફિકેશન બાદ ફાટક બંધ કરી દીધું
(વર્તમાન પ્રવાહ વાપી બ્યુરો)
વાપી, તા.30: ઉદવાડા સહિત ગ્રામ્ય વિસ્તાર માટે રેલવે ફાટક હાઈવે કનેક્ટીવીટી માટે ઉપયોગી હતું પરંતુ આ ફાટક પરમેન્ટલી બંધ કરવાનો આદેશ જાહેર થઈ ચૂક્યો હોવાથી ઉદવાડા ફાટક કાયમ માટે રેલવેએ બંધ કરી દીધું.
ડેડીકેટેડ ફેટ કોરીડોર ઓફ ઈન્ડિયા દ્વારા ફેટ કોરિડોરનું કામકાજ પુર ઝડપથી આગળ ધપી રહ્યું છે તે માટે એક વધારાની રેલવે ટ્રેક પણ બીછાવાઈ રહી છે તેઉપલક્ષમાં વલસાડ જિલ્લામાં કાર્યરત નવા આરઓબી બનાવવાની પુરઝડપે કામગીરી ચાલી રહી છે. ટૂંકમાં ફેડ કોરિડોરની તૈયારીઓના ભાગ રૂપે ઉદવાડા ફાટક પરમેન્ટલી બંધ કરી દેવાઈ છે. ડેડીકેટેડ પેટ કોરિડોર ઓફ ઈન્ડિયાએ કલેક્ટરના જાહેરનામા મુજબ તાત્કાલિક અસરથી ફાટક બંધ કરી દેવાયું છે તેથી ઉદવાડા તરફથી હાઈવે ઉપર આવતા વાહનોની કનેક્ટીવીટી અટકી ગઈ છે. તેથી વાહન ચાલકોએ ફરજીયાત મોતીવાડા અથવા બગવાડા આરઓબીથી અવર જવર કરવી પડશે.
