(વર્તમાન પ્રવાહ ન્યુઝ નેટવર્ક)
સેલવાસ, તા.13: દાદરા નગર હવેલી અને દમણ દીવના પ્રશાસકશ્રી પ્રફુલભાઈ પટેલના માર્ગદર્શનમાં અને ખેલ અને યુવા વિભાગના સચિવ અને નિર્દેશકના સહયોગ દ્વારા જિલ્લા સ્તરીય ક્રિકેટ પ્રીમિયર લીગનું આયોજન 13 થી 17 એપ્રિલ સુધી કરવામાં આવ્યું છે. જેનું ઉદ્ઘાટન દાનહ જિલ્લા પંચાયત સીઈઓ ડો. અપૂર્વ શર્મા, સેલવાસ નગર પાલિકા સી.ઓ. શ્રી સંગ્રામ સિંઘ દ્વારા સાયલી ક્રિકેટ ગ્રાઉન્ડમાં દીપ પ્રાગટય કરી કરવામાં આવ્યું હતું. દાનહ જિલ્લા સ્તરીય આયોજીત લીગમાં કુલ 6 ટીમો ભાગ લેશે અને વિજેતા અને રનર્સઅપ ટીમ ચેમ્પિયન લીગમાં પ્રતિનિધિત્વ કરશે. જિલ્લા સ્તરીય ક્રિકેટ પ્રીમિયર લીગના પહેલા દિવસે એસએસઆર અને કેબલ સ્ટ્રાઈકર ઈન ટીમ વચ્ચે મેચ રમાઈ હતી.
