ઘરફોડ ચોર રાજુ વિઠ્ઠલરાવ દેસાઈ નિતિશ કમ્બાલૈયા મહારાષ્ટ્રથી ઝડપાયા : રોકડા સહિત રૂા.12.10 લાખ મુદ્દામાલ પોલીસે જપ્ત કર્યા
(વર્તમાન પ્રવાહ વાપી બ્યુરો)
વાપી, તા.18: ધરમપુરમાં ગત તા.11મી ઓક્ટોબરે લક્ષ્મી એપાર્ટમેન્ટના એક ફલેટમાંથી રૂા.20.35 લાખ રોકડા સોનાના ઘરેણા મળી રૂા.22.76 લાખ મત્તાની ચોરી થઈ હતી. જેની ચાંપતી તપાસમાં વલસાડ એલ.સી.બી., એસ.ઓ.જી.ની પોલીસ ટીમે મોટી સફળતા મળી હતી.
પોલીસે ધરમપુર ચોરી પ્રકરણમાં અલગ અલગ 6 ટીમો બનાવી ધરમપુર-પારડી-વલસાડ વાપીમાં આશરે 500 થી વધુ સીસીટીવી ફુટેજોનું ટેકનિકલ એનાલીસીસ કરવામાં આવ્યું હતું. જેમાં વિગતો મળી હતી. ચોરી મહારાષ્ટ્ર સાંગલી તથા સોલાપુર વિસ્તારના રીઢા ઘરફેડીયા ચોર આરોપી રાજવીર ઉર્ફે રાજુ સુભાષ વિઠ્ઠલરાવ દેસાઈ અને મિતીશ ઉર્પે અડવૈયા કમ્બાલૈયા ચિકમ થનાઓ કરી હતી. બન્ને આરોપીને વલસાડ લવાયા બાદ વધુ પૂછપરછ હાથ ધરાઈ હતી. આરોપીઓ સુરતથી ચોરી કરેલ ગ્રે કલરની એક્ટીવા લઈને ધરમપુર ફલેટમાં ચોરી કરવા આવ્યા હતા. પોલીસે મોપેડ નં.જીજે 06 એનવાય 7992, મોબાઈલ ફોન, રોકડા રૂપિયા પાસબુકો-ચેકબુકો ડીસમીસ મળી કુલ રૂા.12.10 લાખનો મુદ્દામાલજપ્ત કર્યો હતો. આરોપીઓએ કબુલ્યુ હતું કે, દાગીના મહારાષ્ટ્ર મુથુટ ફાઈનાન્સમાં ગીરો રોકડ મેળવી હતી. 7 તોલા સોનું ખાનગી ફાઈનાન્સર પાસે રાખેલ હતું. આરોપીઓએ મોટી દમણ, સેલવાસ, ગુંદલાવ, કોલ્હાપુર, સાંગલી, મહારાષ્ટ્ર પોલીસમાં 14 અને કર્ણાટક પોલીસમાં 9 મળી કુલ 24 જેટલી ચોરીમાં સંડોવણી સામે આવી છે. એલ.સી.બી. પી.આઈ. ઉત્સવ બારોટ, એસ.ઓ.જી. પી.આઈ. એ.યુ.રોઝ, વાપી ટાઉન પીઆઈ કે.જે. રાઠોડ ધરમપુર પી.આઈ. એન.ઝેડ ભોયા, સાઈબર ક્રાઈમ પી.આઈ. એન.એન. બુબડીયાની ટીમ વર્ક થકી પોલીસને આંતરરાજ્ય રીઢા ઘરફોડ ચોરોને ઝડપી પાડવાની સફળતા મળી છે.
——
