(વર્તમાન પ્રવાહ ન્યુઝ નેટવર્ક)
સેલવાસ, તા.19: દાદરા નગર હવેલી જિલ્લા પંચાયત સંચાલિત પ્રાથમિક ગુજરાતી કેન્દ્ર શાળા અથોલામાં જિલ્લા પંચાયત મુખ્ય કાર્યકારી અધિકારી ડો.અપૂર્વ શર્માના માર્ગદર્શનમાં વાર્ષિકોત્સવની ઉજવણી કરવામાં આવી હતી. બાળકોની પ્રતિભાને નિખારવા અને તેમને પ્રોત્સાહિત કરવાના હેતુ સાથે શિક્ષણની ગુણવત્તા, નિપૂણ ભારત, પર્યાવરણ, બેટી બચાવો બેટી પઢાવો, દેશભક્તિ, સ્વચ્છતા, આધુનિક સમસ્યાઓ જેવી થીમ પર વિવિધ કળતિઓ રજૂ કરવામાં આવી હતી. આ પ્રસંગે દાનહ જિલ્લા પંચાયતના શિક્ષણ અધિકારી શ્રી જયેશભાઈ ભંડારી, દાનહ જિલ્લા પંચાયતના ઉપ પ્રમુખ દિપક પ્રધાન, અથોલા વિભાગના જિલ્લા પંચાયત સભ્ય, ગામના સરપંચ, શાળાના આચાર્ય, સી.આર.સી. કો-ઓર્ડિનેટર જીજ્ઞાબેન,વિદ્યાર્થીઓ અને શિક્ષકો સહિત ગ્રામજનો ઉપસ્થિત રહ્યા હતા.
