પ્રોહિબિશનના આરોપી પાંચ પૈકી ત્રણ આગોતરા જામીન લીધા બાદ નાસતા રહ્યા હતા
(વર્તમાન પ્રવાહ વાપી બ્યુરો)
વાપી, તા.07: વલસાડ એલ.સી.બી. પોલીસ ટીમે સરાહનિય કામગીરી કરી છે. વિવિધ પોલીસ સ્ટેશનના વોન્ટેડ નાસતા ફરતા પ્રોહિબિશનના પાંચ આરોપીઓને ઝડપી પાડી જે તે પોલીસ સ્ટેશને સોંપ્યા હતા.
એલ.સી.બી. વલસાડએ ઝડપેલા પાંચ વોન્ટેડ પ્રોહિબિશન આરોપીઓમાં વલસાડ રૂરલ પો.સ્ટે.ના પ્રોહિબિશન ગુનામાં નાસતા ફરતા આરોપી રાકેશ બાબુ ધોડીયા પટેલ રહે.બાલદા, મોટા ફળીયા નવીનગરી, અન્ય બીજો આરોપી વલસાડ રૂરલ પો.સ્ટે.નો હિરેન સુરેશ પટેલ રહે.દેવકા વાડી ફળીયા નાની દમણ, ત્રીજો આરોપી નયન સુરેશ હળપતિ રહે.દમમ ડોરી કડૈયા પટેલ ફળીયા તથા ચોથો આરોપી અનિલ સુરેશ હળપતિ રહે.દમણ ડોરી કડૈયા પટેલ ફળીયા, પાંચમો આરોપી મહેશ રામુપ્રેમા હળપતિ રહે.દુનેઠા ટાંકીફળીયા નાની દમણને એલ.સી.બી.એ પકડી પાડી જે તે પો.સ્ટે.માં સોંપ્યા છે. આ પૈકી હિરેન પટેલ, નયન હળપતિ તથા અનિલ હળપતિ કોર્ટમાં આગોતરા જામીન લઈ નાસતા ફરતા હતા. એલ.સી.બી. પી.આઈ. બારડ, પો.સ.ઈ. બારીયા, સિંધા તથા પી.એસ.આઈ. ભીગરાડીયા, એ.એસ.આઈ. રાકેશ રમણ, પો.કો. રજની, વિવેક, દશરથ કનકસિંહ, પો.કો. રાજુ જીણાએ સરાહનિય ભૂમિકા ભજવીને આરોપીઓને જબ્બે કરી લીધા હતા.