(વર્તમાન પ્રવાહ ન્યુઝ નેટવર્ક)
સેલવાસ, તા.11 : દાદરા નગર હવેલી જિલ્લા ડિઝાસ્ટર અધ્યક્ષ અને કલેક્ટર શ્રીમતી ભાનુ પ્રભાની અધ્યક્ષતામાં આજે સેલવાસ સચિવાલયના સભાખંડમાં મોન્સૂન-2023ની પૂર્વ તૈયારી માટે જિલ્લા સ્તરીય બેઠકનું આયોજન કરવામાં આવ્યું હતું.
કલેક્ટર શ્રીમતી ભાનુ પ્રભાએ દરેક વિભાગના અધિકારીઓને મોન્સૂન પહેલાંની તૈયારીના ભાગરૂપે ઝડપી ઉપાયોની યોજના બનાવવા અને કામગીરી કરવા નિર્દેશ આપ્યા હતા. જેમાં પ્રાકૃતિક જલ નિકાસી વ્યવસ્થા જેમ કે, નાળા, ઝરણાં, કોતરમાં નડતરરૂપ હોય એને દૂર કરવા, જળ જમાવને રોકવા અને ઓછું કરવા માટે સડકો સાથે સીવરેજ અને સંબંધિત નિકાસી, કૂવામાં કામ કરવા, ઉપરાંત દરેક આવશ્યક કાર્ય જેમ કે પુલ, કોઝ-વે, પુલીયા, રસ્તાઓની મરામ્મત પ્રાથમિકતાના આધાર પર કરવી જોઈએ અને મોન્સૂનના આગમન પહેલાં સમય પર પૂર્ણ કરવા સુનિﾍતિ કરવા સંબંધિત વિભાગોને કાર્ય યોજના તૈયાર કરવા અને સંભવિત જળભરાવ વિસ્તારોમાં ભારે વરસાદ દરમ્યાન સંવેદનશીલ સ્થાનો, ઝાડ પડવાની ઘટનાઓ,વીજળીની આપૂર્તિ લાઈનો તૂટવી વગેરે ઉદ્ભવતી સમસ્યાઓના નિરાકરણ અને વાહન વ્યવહારને આસાન બનાવવા જેવા દરેક કાર્યને સુવ્યવસ્થિત કરવા કલેક્ટરશ્રીએ નિર્દેશ આપ્યા હતા.
કલેક્ટર શ્રીમતી ભાનુ પ્રભાએ દાનહ જિ.પં.ના તમામ વિભાગોને મોન્સૂન દરમ્યાન ઉદ્ભવતી સમસ્યાઓ અને મુદ્દાને પહોંચી વળવા વિતેલા વર્ષની શીખ લેવાની સલાહ આપી હતી. પૂર જેવી સ્થિતિ દરમ્યાન સમય પર અને પ્રભાવી પ્રતિક્રિયાઓ માટે દળ બનાવવા માટે સૂચન કર્યું હતું.
બેઠકમાં ખાનવેલના નિવાસી નાયબ કલેક્ટર, ડિઝાસ્ટર વિભાગના અધિકારી, વન વિભાગ, સેલવાસ પાલિકા, જિલ્લા પંચાયત, પીડબ્લ્યુડી સહિત વિવિધ વિભાગના અધિકારીઓ ઉપસ્થિત રહ્યા હતા.
