(વર્તમાન પ્રવાહ ન્યુઝ નેટવર્ક)
દમણ, તા.15 : દમણના કલેક્ટર અને બાલ ભવન બોર્ડ, દમણનાઉપાધ્યક્ષ શ્રી સૌરભ મિશ્રાના માર્ગદર્શનમાં આજે બાલ ભવન બોર્ડ, દ્વારા દમણમાં બાળકો માટે સમર કેમ્પનો શુભારંભ કરવામાં આવ્યો હતો.
બાલ ભવન બોર્ડ દ્વારા બાળકોમાં છૂપાયેલી પ્રતિભાઓને નિખારવાના હેતુથી દર વર્ષે સમર કેમ્પનું આયોજન કરવામાં આવે છે. જેમાં દમણ જિલ્લાના 6 થી 16 વર્ષના બાળકો ભાગ લે છે.
આજે 15મી મેથી 31મે, 2023 સુધી ચાલનારા આ કેમ્પમાં દરરોજ બાળકોને ટ્રેકિંગ, કેક મેકિંગ, સિંગિંગ, કી-બોર્ડ પ્લેઈંગ, કરાટે, યોગા, ડાન્સ વગેરે શિખવવામાં આવશે.
