November 30, 2025
Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

ટુકવાડામાં પાંજરામાં રાખેલ મારણ કરવા જતા ખુંખાર દિપડો પાંજરે પુરાયો

છેલ્લા કેટલાક દિવસથી ગામમાં દિપડો દેખાતો હતો : મરઘા, શ્વાનનું મારણ કરતો હોવાથી ગામમાં ભયનો હતો માહોલ

(વર્તમાન પ્રવાહ વાપી બ્‍યુરો)
વાપી, તા.20: વલસાડ જિલ્લાના અનેક વન્‍ય પ્રાણીઓ ગ્રામ્‍ય વિસ્‍તારમાં ઘૂસી દેખા દેતા હોય છે. તેવી જ ઘટના વાપી પાસેના ટુકવાડા ગામે ઘટી હતી. છેલ્લા કેટલાક દિવસથી ગામમાં વન્‍ય પ્રાણી દિપડો જોવા મળતો હતો તેમજ મરઘા, શ્વાન વગેરેનું મારણ કરતો હતો તેથી ગામમાં ભયનો માહોલ છવાયેલો રહેતો હતો. અંતે વનવિભાગના સહયોગ થકી પાંજરામાંદિપડો પુરાતા ગ્રામજનોએ રાહતનો દમ લીધો હતો.
વાપી પાસે આવેલ ટુકવાડા ગામે છેલ્લા કેટલાક દિવસથી ગામમાં દિપડો દેખાતો હતો. મરઘા, શ્વાન વગેરેનું મારણ કરતો હતો તેથી ગ્રામજનો ભયભીત રહેતા હતા. પંચાયત સરપંચ દિવ્‍યેશ પટેલએ પારડી વનવિભાગને જાણ કરી હતી. વન વિભાગે ખેડૂત દિનેશભાઈ પટેલના ખતર-વાડા પાસે પાંજરુ તેમજ સી.સી.ટી.વી. કેમેરા ગોઠવી દીધા હતા. શનિવારે રાત્રે ગોઠવાયેલા પાંજરામાં મારણ કરવા માટે દિપડો પાંજરામાં પ્રવેશતા પાંજરુ બંધ થઈ જતા પાંજરામાં પુરાઈ ગયો હતો. જેની જાણ વન વિભાગ પારડીને કરવામાં આવતા દિનેશભાઈ ટાંક અને સ્‍ટાફએ પાંજરાનો કબજો લઈ દિપડાને સલામત રીતે જંગલમાં મુક્‍ત કરાયો હતો. ગામના જીતુભાઈ, કૌલાસભાઈ, શીતલભાઈએ દિપડો પકડવા સારી એવી જહેમત ઉઠાવી હતી.

Related posts

ઉમરગામ પાલિકાની માલિકીની જમીનમાં દબાણ કરનારાઓ સામે પગલાં ભરવા પ્રજામાં ઉઠેલી વ્‍યાપક માંગ

vartmanpravah

પારડી નગરમાં ઠેર ઠેર રામનવમીની ઉજવણી

vartmanpravah

દમણ-દીવના સાંસદ લાલુભાઈ પટેલે નવનિર્વાચિત રાષ્‍ટ્રપતિ દ્રૌપદી મુર્મુની લીધેલી શુભેચ્‍છા મુલાકાતઃ પાઠવેલા અભિનંદન

vartmanpravah

એનસીઈઆરટી દ્વારા શાળાઓમાં ફાઉન્‍ડેશનલ લર્નિંગ સ્‍ટડી-ર0રર હાથ ધરાઈ

vartmanpravah

વલસાડ જિલ્લામાં ગૌદાન અને પુસ્‍તક પરબની કામગીરી બદલ મોટાપોંઢાના પ્રાધ્‍યાપિકાને મુખ્‍યમંત્રી ભુપેન્‍દ્રભાઈ પટેલ દ્વારા બિરદાવાયા

vartmanpravah

વલસાડની જીએમઇઆરએસ મેડિકલ કોલેજના ૩ તબીબોના રિસર્ચ પેપર રાજ્યકક્ષાએ વિજેતા

vartmanpravah

Leave a Comment