(વર્તમાન પ્રવાહ ન્યુઝ નેટવર્ક)
સેલવાસ, તા.24: સેલવાસના ડોકમરડી વિસ્તારમાંથી પસાર થતી ખાડીમાં હાલમાં જળકુંભીનું પ્રમાણ વધી ગયું હોવાનું નજરે પડે છે. જળકુંભીમાં થયેલા વધારાના કારણે ખાડીમાં વહેતા પાણીની જગ્યાએ જાણે કે, લીલા ઘાસનું મેદાન હોય. લીલાછમ દેખાતા જળકુંભીને કારણે ઢોરઢાંખર પણ ચરવા અંદર ચાલી જાય છે. જેમાં અંદર કોઈકવાર ફસાઈ પણ જાય છે. આ જળકુંભીના કારણે પાણીનો પ્રવાહપણ અટકી જાય છે જેને બહાર કાઢવા માટે પ્રશાસન દ્વારા પગલાં ભરવામાં આવે એ જરૂરી બની ગયું છે.
દમણગંગા નદીમાં પણ જળકુંભીનું પ્રમાણ વધ્યુ છે જેના કારણે નદીમા ગંદકીનુ પ્રમાણ પણ વધ્યુ છે.હાલમા જે પરિસ્થિતિ છે એને પણ તાત્કાલિક ધોરણે પગલા લઇ જે અહી ખાડીમા જળકુંભીનુ પ્રમાણ વઘ્યુ છે એને દુર કરવાની કાર્યવાહી કરવામા આવે એ જરૂરી બની ગયુ છે.
