આગ એટલી ભયાનક હતી કે જોત જોતામાં આગમાં સામાન બળીને ખાખ થઈ ગયો
(વર્તમાન પ્રવાહ વાપી બ્યુરો)
વાપી, તા.24: વલસાડ અબ્રામા તડકેશ્વર મહાદેવ મંદિર પાસે આવેલ તડકેશ્વર પાર્ટી પ્લોટના ગોડાઉનમાં આજે બુધવારે સવારે ભિષણ આગ લાગતા અફરા તફરી મચી જવા પામી હતી.
વલસાડ અબ્રામા વિસ્તારમાં આવેલ તડકેશ્વર મહાદેવ મંદિર પરિસરમાં તડકેશ્વર મંડપ ડેકોરેશનનું ગોડાઉન આવેલું છે. આજે સવારે ગોડાઉનમાં અચાનક ભિષણ આગ લાગી હતી. આગની જાણ પાલિકા ફાયરને કરાતા બે ફાયર બ્રિગેડની ગાડીઓ દોડી આવી હતી. આગને બુઝાવવાની જહેમત આરંભી દીધી હતી. આગ કાબુ કરાઈ હતી. આગમાં મંડપ ડેકોરેશનનો માલ-સામાન બળીને ખાખ થઈ ગયો હતો. આગ લાગવાનું કારણ અકબંધ રહેવા પામ્યું છે. આગમાં અન્ય કોઈ જાનહાની થવા પામી નહોતી.
