ગંદી હરકત સાથે પોલીસ મોટી ટોપી છે તેવુ મહિલાને સંભળાવ્યું : પોલીસે રીક્ષા ચાલક આરીફને દબોચી લઈ જાહેરમાં ફેરવી ઉઠકબેઠક કરાવી મહિલા સામે માફી મંગાવી
(વર્તમાન પ્રવાહ વાપી બ્યુરો)
વાપી, તા.31: વાપી રેલવે સ્ટેશને આજે બુધવારે શરમજનક ઘટના ઘટી હતી. એક માથા ફરેલ બેખોફ રિક્ષા ચાલક મહિલા સાથે બિભત્સ વાણી પ્રયોગ કરીને દાદાગીરી કરી રહેલો વિડીયો વાયરલ થતા ચકચાર મચી જવા પામી હતી.
બધા રિક્ષાવાળા ખરાબ નથી હોતા પણ કેટલાક રિક્ષા ચાલકો આખી રિક્ષા ચાલક આલમને કલંકિત/બદનામ કરતા હોય છે. કંઈક તેવો જ શરમજનક કિસ્સો આજે વાપી રેલવે સ્ટેશને બન્યો હતો. રિક્ષા ચાલક મહિલાને બિભત્સ વાણીમાં પેન્ટનો પટ્ટો ખોલી ચેઈન ખોલીને અભદ્ર વાણીમાં ધમકાવી રહ્યો હતો, પોલીસ મોટી ટોપી છે. જેવા વાક્યો જાહેરમાં મહિલા સામે સતત ઉચ્ચારતો રહેલો. જેનો વિડીયો ક્ષણોમાં વાયરલ થતા તુરત જ એલસીબી એકશનમાં આવી ગઈ હતી. માથાભારે રિક્ષા ચાલક આરીફને દબોચી લીધો અનેજાહેરમાં ફેરવી ઉઠાબેઠક કરાવી મહિલાની સામે માફી મંગાવીને જેલ ભેગો કર્યો હતો.
