ચાર ફાયર ફાઈટરોએ કલાકો જહેમત ઉઠાવી આગ કાબુ કરી
(વર્તમાન પ્રવાહ વાપી બ્યુરો)
વાપી, તા.02: વાપી હાઈવે દમણગંગા બ્રિજ પાસે આવેલ રોયલ ઈન્ડસ્ટ્રીયલ પાર્ક સ્થિત કાર્યરત ફાર્મા કંપનીમાં શુક્રવારે બપોરે અચાનક ભિષણ આગ લાગતા અફરા તફરી મચી જવા પામી હતી.
વાપી યુપીએલ પાસે આવેલ રોયલ ઈન્ડસ્ટ્રીયલ પાર્કમાં કાર્યરત ફાર્મા કંપનીમાં બપોરે ભિષણ આગ લાગી હતી. કંપનીમાં કેમિકલ સોલવન્ટ રો-મટેરિયલ હોવાથી આગે પુરી કંપની લપેટમાં લીધી. આગની જાણ પાલિકા અને નોટિફાઈડફાયર બ્રિગેડને કરવામાં આવતા ફાયરની ચાર ગાડીઓ ઘટના સ્થળે દોડી આવી હતી. એક-દોઢ કલાકની જહેમત બાદ આગ પર ફાયરની ટીમે કાબુ કરી દીધો હતો. ઘટનામાં કંપનીને સારું એવું નુકશાન થયું છે. જોકે કોઈ જાનહાનીનો બનાવ બનવા પામ્યો નહોતો.
