(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.02: ચીખલી પોલીસે માણેકપોર ગામેથી ગંજીપાનાનો જુગાર રમતા ચાર જેટલાને ઝડપી પાડી કાયદેસરની કાર્યવાહી હાથ ધરી હતી.
રોકડા તેમજ મોટર સાયકલ, મોબાઈલ ફોન સહિત રૂા.78,230/- નો મુદ્દામાલ કબ્જે કરી ત્રણ જેટલાને વોન્ટેડ જાહેર કર્યાહતા.
પોલીસ મથકેથી પ્રાપ્ત વિગત મુજબ પીએસઆઈ એસ.એચ.પટેલ સર્વેલન્સ સ્ટાફના મહેન્દ્રભાઈ, ગણપતભાઈ, અલ્પેશભાઈ સહિતનો સ્ટાફ પેટ્રોલીંગમાં હતો. દરમ્યાન માણેકપોર નહેર ફળીયા રતિલાલ પટેલની વાડી પાસે આવેલ આંબાના ઝાડની નીચે ખુલ્લી જગ્યામાં જુગાર રમતો હોવાની બાતમી મળતા પોલીસે સદર જગ્યાએ છાપો મારી ગંજીપાનાનો હારજીતનો જુગાર રમતા ઉત્તમ રાયસિંગ ધો.પટેલ (રહે.માણેકપોર નહેર ફળીયા તા.ચીખલી), મહેશ બાબુભાઈ મોદી (રહે.રાનકુવા રેલવે સ્ટેશનની સામે તા.ચીખલી), અબ્બાસ ફકીર ખલીફા (રહે.જોગવાડ ખલીફા ફળિયું તા.ચીખલી) તથા રમેશ ઉર્ફે પાંડુ છોટુભાઈ રાઠોડ (રહે.બામણવેલ પારસી ફળીયા તા.ચીખલી) એમ ચાર જેટલાને ઝડપી પાડી રોકડા રૂા.17,230/- તથા મોબાઈલ ફોન નંગ-3, મોટર સાયકલ નંગ 3 મળી કુલ રૂા.79,230 નો મુદ્દમાલ કબ્જે કર્યો હતો. જ્યારે રમેશ ધીરુભાઈ પટેલ (રહે.રાનકુવા પટેલ વાડી શીતલ હોટલ પાસે તા.ચીખલી), રાકેશ નટુભાઈ પટેલ (રહે.માણેકપોર ખાખરી ફળીયા તા.ચીખલી) તથા ઈલ્યાસ લૂંણત (રહે.બામણવેલ કણબીવાડ તા.ચીખલી) એમ ત્રણ જેટલાને વોન્ટેડ જાહેર કરી પોલીસે વધુ તપાસ હાથ ધરી હતી.
