(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.02: ચીખલી હાઈવેઓવરબ્રિજ ચાર રસ્તા પાસે એસટી બસ અને કાર વચ્ચે અકસ્માત સર્જાતા લોકો મોટી સંખ્યામાં એકત્ર થઈ ગયા હતા. બીલીમોરા ડેપોની એસટી બસ નંબર જીજે-18-ઝેડ-5778 વાયા ચીખલીથી વલસાડ જતી હતી. તે દરમ્યાન ચીખલી હાઈવે ઓવરબ્રિજ ચાર રસ્તા પાસે સુરત તરફથી આવી રહેલ મારુતિ કાર નં-જીજે-05-આરઈ-0653 સાથે અથડાતા અકસ્માત સર્જાયો હતો. સદનસીબે કોઈ જાનહાની થઈ ન હતી. પરંતુ વાહનોને નુકશાન થવા સાથે એક સમયે ટ્રાફિકજામ થઈ ગયો હતો.
