ફરજ દરમિયાન રોડ ઉપરથી રૂપિયા અને ડોક્યુમેન્ટ સાથેનું મળેલું પર્સ માલિક સુધી પહોંચાડયું
(વર્તમાન પ્રવાહ વાપી બ્યુરો)
વાપી, તા.20: ઈમાનદારી અને નૈતિકતા આજે પણ ક્યાંક જોવા મળે છે. તેવી ઘટના વાપી જી.આઈ.ડી.સી. ગુંજન અંબામાતા સર્કલ પાસે ટ્રાફિકમાં ફરજ બજાવતી મહિલા જી.આર.ડી.ને રૂપિયા અને ડોક્યુમેન્ટ ભરેલુ પર્સ મળી આવ્યું હતું. મહિલા જી.આર.ડી.એ ઈમાનદારીની મિશાલ પુરી પાડી પર્સ મુળ માલિકને સુપરત કર્યું હતું.
વાપી ગુંજન અંબામાતા સર્કલ પાસે ટ્રાફિક અંગેની ફરજ બજાવતી જી.આર.ડી. મહિલા ગાર્ડ નિતાબેન મહાલાજી ગતરોજ ફરજ બજાવતા હતા તે દરમિયાન રોડ ઉપરથી એક પર્સ મળી આવેલ હતું. ચેક કર્યું તો રોકડા રૂપિયા 13 હજાર અને ડોક્યુમેન્ટ પર્સમાં હતા. તેથી જી.આર.ડી. નિતાબેનએ 100 નંબર ઉપર ફોન કરી આ બાબતે જાણ કરી હતી. પોલીસે તપાસ બાદ મૂળ માલિકનો સંપર્ક કરીને રૂપિયા ભરેલુ પર્સ પહોંચતું કર્યું હતું. જનરલી પોલીસને સમજવામાં લોકો થાપ ખાતા હોય છે. પરંતુનિષ્ઠા અને ફરજ પરસ્તી પોલીસ વિભાગમાં એટલા જ પ્રમાણમાં હોય છે. જે નિતાબેનએ ઈમાનદારીની મિશાલ બની સાબિત કર્યું છે.
