(વર્તમાન પ્રવાહન્યુઝ નેટવર્ક)
સેલવાસ, તા.13: દાદરા નગર હવેલી એક્સાઇઝ વિભાગના અધિકારીને મળેલ બાતમીના આધારે લુહારી ગામેથી પીકઅપ ટેમ્પોમાં દારૂનો જથ્થો ભરીને જઈ રહેલ સંજુ કુરાડા (રહેવાસી લુહારી) જેને અટકાવી તપાસ કરતા ટેમ્પોમાં 174 બોક્ષ દારૂ અને બિયરનો જથ્થો મળી આવ્યો હતો. જેની અંદાજીત કિંમત 94 હજાર રૂપિયા અને ટેમ્પોની અંદાજીત કિંમત બે લાખ મળી કુલ રૂા.2.94 લાખનો મુદ્દામાલ જપ્ત કરી પીકઅપ ટેમ્પો ચાલકની ધરપકડ કરી આગળની કાર્યવાહી હાથ ધરી છે.
આરોપી સંજુ કુરાડા આ જથ્થો નરોલી ગામેથી ભરી લુહારી ગામ થઈ મહારાષ્ટ્રના તલાસરી તરફ જઈ રહ્યો હતો.
