(વર્તમાન પ્રવાહ વાપી બ્યુરો)
વાપી, તા.03: વાપી બલીઠામાં આવેલ આર.એન. સ્કૂલની વિદ્યાર્થીની અમદાવાદ ખાતે યોજાયેલ ઓપન નેશનલ ગેમ્સ એન્ડ સ્પોર્ટ્સમાં બ્રોન્ઝ મેડલ દોડ સ્પર્ધામાં મેળવી સ્કૂલ અને વાપીનું નામ ઉજાળ્યુ હતું.
વાપી સ્કૂલ અને કોલેજના અનેક બાળકો રાજ્ય અને રાષ્ટ્રીય સ્તરે વિવિધ સ્પર્ધાઓમાં ભાગ લઈ વાપીનું તથા સ્કૂલ, કોલેજનું નામ રોશન કરતા હોય છે. બલીઠા સ્થિત ઈંગ્લિશ માધ્યમની સ્કૂલ આર.એન. વિદ્યાલયની વિદ્યાર્થીની અનુષ્કા વર્માએ તાજેતરમાં અમદાવાદમાં યોજાયેલ ઓપન નેશનલ ગેમ્સ એન્ડ સ્પોર્ટ્સમાં હિસ્સેદાર બની હતી. ગોતા સ્પોર્ટ્સ કોમ્પલેક્ષ અમદાવાદમાં યોજાયેલ નેશનલ ગેમ્સમાં ગુજરાતભરના બાળકોએ ભાગ લીધો હતો. જેમાં આર.એન. સ્કૂલની વિદ્યાર્થીની અનુષ્કા વર્મા 200 મીટર દોડમાં વિજેતા બની બ્રોન્ઝ મેડલ મેળવી શાળાનું અને વાપીનું નામ રોશન કર્યું હતું. તેમજ શાળા પરિવારે અભિનંદન આપ્યા હતા.
