લાર્ક, માળી, ફાયરમેન, મુકાદ્દમ જેવી નોકરી માટે 50 ટકા ઉપરાંત ગ્રેજ્યુએટએ અરજી કરી
(વર્તમાન પ્રવાહ વાપી બ્યુરો)
વાપી, તા.11: સરકારી નોકરી મેળવવાની લાલસા ગણો કે પડાપડી એવું અક્ષરશ સાબિત થયું છે. વાપી નગરપાલિકાને વિવિધ 23 જગ્યાઓ માટે 2300 ઉપરાંત અરજીઓ તો બીજી તરફ વલસાડ પાલિકાની પ્રારંભ થનાર સિટી બસના કન્ડક્ટર માટે 1000 જેટલી અરજી નોકરી વાંચ્છુઓ કરી ચૂક્યા છે.
વાપી પાલિકા માટે વિવિધ 23 બેઠકોની ભરતી પ્રક્રિયા હાથ ધરાવવાની છે. જેમાં કલાર્ક, ફાયરમેન, મુકાદ્દમ, મેલેરીયા વર્કર, વાયરમેન, માળી, ફાયર ઓફિસર તથા સમાજ સંગઠક જેવી જગ્યાઓ માટે 14 ઓગસ્ટ સુધી અરજી કરવાની હોવાથી તે પહેલા જ 2300 જેટલી અરજી પાલિકા દફતરે જણા થઈ ગઈ છે. બે-ત્રણ દિવસમાં વધુ અરજી થશે તે નક્કી છે. તેવી સ્થિતિ વલસાડ નગરપાલિકા દ્વારા ચાલું કરવામાં આવનાર સિટી બસ સર્વિસમાં 15 કન્ડક્ટરની ભરતી કરવાની છે તે માટે 1000ઉપરાંત અરજી આવી ગઈ છે. હજુ વધુ અરજી આવે તેવી શક્યતા છે. સરકારી નોકરીની લાલસા ગણો કે બેકારીની ચરમસીમા ગણો. બન્ને પાલિકાની ખાલી પોસ્ટ માટેની સ્થિતિની આ સાચી તાસીર છે.
