પ્રદેશ ભાજપ પ્રમુખ દીપેશભાઈ ટંડેલે લોકસભાની દમણ-દીવ અને દાનહ બંને બેઠકો ઉપર વિજય મેળવવા આપેલો ભરોસો
(વર્તમાન પ્રવાહ ન્યુઝ નેટવર્ક)
દમણ, તા.17 : ભાજપના રાષ્ટ્રીય અધ્યક્ષ શ્રી જે.પી.નડ્ડાએ આજે દાદરા નગર હવેલી અને દમણ-દીવ પ્રદેશ ભાજપના પદાધિકારીઓ સાથે બેઠક કરી 2024ની લોકસભા તૈયારી અંગે વિચાર-વિમર્શ કર્યો હતો.
ભાજપના રાષ્ટ્રીય અધ્યક્ષ શ્રી જે.પી.નડ્ડાએ 2024ની લોકસભા ચૂંટણીના સંદર્ભમાં માર્ગદર્શન આપી ચૂંટણી જીતવાની ચાવી પણ સમજાવી હતી.
પ્રારંભમાં પ્રદેશ ભાજપ પ્રમુખ શ્રી દીપેશભાઈ ટંડેલે પ્રદેશમાં થઈ રહેલા સંગઠનના કામોની વિસ્તૃત જાણકારી આપી હતી અને દાદરા નગર હવેલી તથા દમણ-દીવની બંને બેઠકો જીતવાનો ભરોસો આપ્યો હતો.
આ પ્રસંગે રાષ્ટ્રીય મહામંત્રી શ્રી કૈલાશ વિજયવર્ગીય, રાષ્ટ્રીય સહ સંગઠન મહામંત્રી શ્રી શિવપ્રકાશ, દમણ-દીવના સાંસદ શ્રી લાલુભાઈ પટેલ, દાનહના પૂર્વ સાંસદ શ્રી નટુભાઈ પટેલ પણ ઉપસ્થિત રહ્યાહતા.
