(વર્તમાન પ્રવાહ ન્યુઝ નેટવર્ક)
વલસાડ, તા.27: સ્પેશિયલ ઓલિમ્પિકભારત, ગુજરાત દ્વારા વલસાડ તાલુકાના સેગવી ગામમાં આવેલી સર્વોદય હાઈસ્કૂલના મેદાન પર ફક્ત માનસિક દિવ્યાંગો માટેની જિલ્લા કક્ષાની રમતનું આયોજન કરવામાં આવ્યું હતું. જેમાં વલસાડ, વાપી, પારડી અને સેલવાસના 125 બાળકોએ ભાગ લીધો હતો.
આ પ્રસંગે મુખ્ય મહેમાન તરીકે વલસાડ જિલ્લા કલેકટરશ્રી ક્ષિપ્રા આગ્રેએ ઉપસ્થિત રહી બાળકોને પ્રોત્સાહિત કર્યા હતા. વધુમાં તેમણે સ્પેશિયલ ઓલિમ્પિકની કામગીરીને પણ બિરદાવી હતી. આ સાથે સર્વોદય હાઈસ્કૂલના ટ્રસ્ટીગણ, સેગવી અને તિથલ ગામના સરપંચો ઉપસ્થિત રહ્યા હતા. આ સ્પેશિયલ ઓલિમ્પિકને સફળ બનાવવા માટે ગ્રોથ એન્ડ ડેવલપમેન્ટ મેનેજર દીપકભાઈ નાઈકા, સ્પોર્ટ ડાયરેક્ટર ગજુભાઈ પટેલ, કમિટી મેમ્બર અરમાબેન દેસાઈ, સોનલબેન મિષાી, નરેશભાઈ, ઉમિયા સોશિયલ ટ્રસ્ટના પ્રમુખ અશોકભાઈ પટેલ અને સ્પેશિયલ ઓલિમ્પિકની જિલ્લા કક્ષાની કમિટીના ચેરમેન કૌશલભાઈ પારેખે જહેમત ઉઠાવી હતી. અંતમાં આભારવિધિ અરમાબેન દેસાઈએ કરી હતી. શુભેચ્છકો તરફથી દરેક સંસ્થાને ટ્રોફી તેમજ બાળકોને પ્રોત્સાહન ઈનામ આપવામાં આવ્યા હતા.
