(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.04: ચીખલી પોલીસે થાલામાંથી તીન પત્તીનો જુગાર રમતા જુગારીઓને ઝડપી પાડી રૂા.1.93 સહિત રૂા.2.58 લાખનો મુદ્દામાલ કબજે કરી કાયદેસરની કાર્યવાહી હાથ ધરી હતી.
પ્રાપ્ત વિગત મુજબ રવિવારની રાત્રે થાલા ગામે ઉમિયા ટ્રેડિંગ નામની શામજી નાગજીભાઈ પટેલ (રહે.શિવમ બંગલોઝ ગાયત્રી મંદિરની સામે તા.ગણદેવી) ના કબજા ભોગવટાની જગ્યામાં છાપો મારી હાર જીતનો જુગાર રમતા મેરામણ રામદેવભાટિયા (હાલ રહે.જલારામનગર ચીખલી, મૂળ રહે.જામદેવળીયા તા.કલ્યાણપુર), હસમુખ પરસોત્તમ દઢાણીયા (રહે.આઈસાપાર્ક ચીખલી), ઘનશ્યામ કરસન પટેલ (રહે.આંતલીયા તા.ગણદેવી), સોનુકુમાર પારસનાથ પ્રસાદ (હાલ રહે.બામણવેલ કુંભારવાડ તા.ચીખલી), બીટુકુમાર મહેન્દ્રસિંહ રાજપૂત (રહે.આંતલીયા હરિજનવાસ તા.ગણદેવી), કિશોર ભગુભાઈ પટેલ, શૈલેષ ધીરૂભાઈ આહીર, મનોજ ધીરૂભાઈ આહીર (તમામ રહે.ગડત આહીર ફળીયા તા.ગણદેવી), સંજય નેમીચંદ શાહ (રહે.બજાર સ્ટ્રીટ ચીખલી), વિપુલ ગંગારામ પવાર (વસંત વિહાર સોસાયટી કબીલપોર તા.નવસારી), નિલ કલ્પેશ વશી (રહે.દેસાઈવાડ ગણદેવા તા.ગણદેવી) સહિતનાને ઝડપી પાડી દવા પરના રોકડા રૂા.19,000/- અંગ ઝડતીના રોકડા રૂપિયા 1,74,930/- તેમજ 12 નંગ મોબાઈલ ફોન કિ.રૂા.64,500/- મળી કુલ રૂા.2,58,430/- નો મુદ્દામાલ કબ્જે કરી વધુ તપાસ પીએસઆઈ જે.બી.જાદવ કરી રહ્યા છે.
