સરકારી હાઈસ્કૂલ મોરખલમાં યોજાયેલ બીજામોડયુલની તાલીમમાં શિક્ષકોને વિષય સંબંધિત સાંભળવા, બોલવા, વાંચવા અને લખવાના કૌશલ્યની આપેલી સમજ
(વર્તમાન પ્રવાહ ન્યુઝ નેટવર્ક)
સેલવાસ, તા.04 : દાનહ અને દમણ-દીવના શિક્ષણ વિભાગ અને સમગ્ર શિક્ષા અભિયાનના સહયોગથી સરકારીના શાળાના શિક્ષકો માટે અંગ્રેજી ભાષા ક્ષમતા નિર્માણ કાર્યક્રમના બીજા મોડયુલની તાલીમ સરકારી હાઈસ્કૂલ મોરખલમાં યોજવામાં આવી હતી. આ કાર્યક્રમના કન્ટેન્ટ નોલેજ પાર્ટનર ધ સેન્ટર ફોર લર્નિંગ રિસોર્સિસ હતા.
પાઠયક્રમનો બીજો મોડયુલ ઘર અને પરિવાર વિષયના આસપાસ કેન્દ્રિત હતો. જેમાં શિક્ષકોને આ વિષય સંબંધિત સાંભળવા, બોલવા, વાંચવા અને લખવાના કૌશલ્યને વધારી સશક્ત બનાવવાની તાલીમ આપવામાં આવી હતી.
આજના તાલીમ ક્રાર્યક્રમનું પ્રબંધન શિક્ષણ વિભાગની ટીમ દ્વારા કરવામાં આવ્યું હતું. જેમાં એઈઓ સુશ્રી સેન્દ્રા બારબાર, બી.આર.પી. શ્રીમતી નિશા થોમસ, શ્રીમતી કવિતા વિજય, શ્રીમતી નિરૂપમાબેન અને સી.આર.સી. શ્રી બિમલસિંહ રાજપુત તથા જીજ્ઞા રાઠોડ દ્વારા કરવામાં આવ્યું હતું. એશ્વર્યા ગાડગીલ, અંકિતા મહેશ્વરી, રત્નાદીપ કામલે અને જયેશ સિલકેએ સી.એલ.આર.ની તાલીમ પૂર્ણ કરી હતી.
ભાષા વિકાસના માટે આ વ્યવહારિક દૃષ્ટિકોણ ક્ષેત્રમાં પ્રદાન કરવામાં આવેલ શિક્ષણની ગુણવત્તા ઉપર પ્રભાવનાંખવાનું વચન આપે છે. આ કાર્યક્રમમાં સહાયક રાજ્ય પરિયોજના નિર્દેશક શ્રી પરિતોષ શુક્લ, જિલ્લા શિક્ષણ અધિકારી શ્રી બળવંત પાટીલ, જિલ્લા પંચાયતના શિક્ષણ અધિકારી શ્રી જયેશ ભંડારી, લેક્ચરર સુશ્રી નમ્રતા કુલકર્ણી, કોમ્યુનિકેશન હેડ સેન્ટર ફોર લર્નિંગ રિસોર્સિસ પુણેના અનુરાધા ત્રિભુવન સહિત શિક્ષકો ઉપસ્થિત રહ્યા હતા.
