(વર્તમાન પ્રવાહ ન્યુઝ નેટવર્ક)
સેલવાસ,તા.04 : શ્રી ભંડારી સમાજ દાદરા નગર હવેલી, સેલવાસ દ્વારા તેજસ્વી તારલાઓના સન્માન સમારોહનું આયોજન સામરવરણી પંચાયત હોલ ખાતે આયોજીત કરવામાં આવ્યું હતું. કાર્યક્રમની શરૂઆત સમારંભના મુખ્ય અતિથી ભંડારી સમાજ દા.ન.હ પ્રમુખ ચેતનભાઈ પટેલે દિપ પ્રગટાવીને કરી હતી. ત્યારબાદ મહેમાનોનું સ્વાગત કરવામાં આવ્યું હતું.
આ પ્રસંગે ભંડારી સમાજના પ્રમુખ શ્રી ચેતનભાઈ પટેલે જ્ઞાતિજન મહેમાનો માટે સ્વાગત પ્રવચન આપ્યું હતું. બાદમા ઉપસ્થિત મહાનુભાવોએ તેજસ્વી તારલાઓને શિલ્ડ અને પ્રોત્સાહિત ઇનામ આપી સન્માન કરવામાં આવ્યું હતું. આ અવસરે સમાજના જ્ઞાતિજનોએ શ્રી ભંડારી સમાજ દા.ન.હ.ને સવા લાખથી વધુનું દાન પણ કર્યું હતું. આ અવસરે સમાજના પ્રમુખ, મહિલાપ્રમુખ,પાલિકા સભ્યો, સમાજના અગ્રણીઓ સહિત વિદ્યાર્થીઓ અને વાલીઓ ઉપસ્થિત રહ્યા હતા.
કાર્યક્રમનું દરમિયાન સંચાલક શ્રીમતી ધારા દિપકભાઈ જાદવ, સલાહકાર શ્રી દિપકભાઈ જી.પટેલે કર્યું હતું. અંતમાં મંડળના મંત્રી શ્રી નેહલ પટેલે આભારવિધી કરી રાષ્ટ્ર ગીતનું ગાન કરી કાર્યક્રમનું સમાપન કરાયું હતું.