સેલવાસની મહિલા ખેલાડી અંજના દેસાઈએ 105 કિ.ગ્રા. વેટ લિફટ કરી મેળવેલો ગોલ્ડ મેડલ
(વર્તમાન પ્રવાહ ન્યુઝ નેટવર્ક)
સેલવાસ, તા.21 : જમ્મુ-કાશ્મીરના જમ્મુ ખાતે ઇન્ડીયન પાવર લિફિટંગ ફેડરેશન દ્વારા 48મા નેશનલ પાવર લિફિટંગ ચેમ્પિયનશીપનું આયોજન કરવામાં આવ્યું હતું. જેમાં દેશના નવ રાજ્યના કુલ 215 ખેલાડીઓએ ભાગ લીધો હતો. આચેમ્પિયનશીપમાં દાદરા નગર હવેલીની મહિલા ખેલાડી અંજના દેસાઈએ પણ ભાગ લીધો હતો. જેઓએ 40 વર્ષથી વધુની ઉંમરવાળી માસ્ટર કેટેગરીમાં વેટલિફટની ગેમ રમી હતી અને 105 કિલો ગ્રામની વેટલિફટ કરી નેશનલ ચેમ્પિયનશીપમાં ગોલ્ડ મેડલ પ્રાપ્ત કર્યો હતો.
105 કિલો ગ્રામની વેટલિફટ કરનાર મહિલા ખેલાડી અંજના દેસાઈને જમ્મુ ભાજપના જનરલ સેક્રેટરી શ્રી અશોક કૌલના હસ્તે ગોલ્ડ મેડલ એનાયત કરવામાં આવ્યો હતો. સેલવાસના મહિલા ખેલાડી અંજના દેસાઈએ ગુજરાત સ્પોર્ટ્સ પાવર લિફિટંગ એસોસિએશનના જનરલ સેક્રેટરી શ્રી ફૈઝાન પટેલના માર્ગદર્શનમાં આ નેશનલ ચેમ્પિયનશીપ માટે આકરી મહેનત કરીને ભાગ લીધો હતો અને તેમણે ગોલ્ડ મેડલ પ્રાપ્ત કર્યો હતો.
