(વર્તમાન પ્રવાહ ન્યુઝ નેટવર્ક)
દીવ, તા.21 : દીવ જિલ્લા પંચાયતના સભ્ય ઉમેશ રામા બામણિયા પાસે બે બનાવટી જન્મ પ્રમાણપત્ર હોવાના પ્રકરણમાં આજે જિલ્લા પંચાયતના સભ્યપદેથી સસ્પેન્ડ કરવાનો આદેશ સંઘપ્રદેશના પંચાયતી રાજ સચિવ શ્રી ગૌરવ સિંહ રાજાવતે જારી કર્યો હતો.
પ્રાપ્ત માહિતી પ્રમાણે બોગસ રીતે બનાવી બે બર્થસર્ટીફિકેટ ઉમેશ રામા બામણિયા પાસે હોવાની પોલીસ ફરિયાદ દીવના વણાંકબારા પોલીસ સ્ટેશનમાં આઈ.પી.સી.ની 460, 465, 119, 120બી અને જન્મ મૃત્યુ અને લગ્ન રજીસ્ટ્રેશન અધિનિયમ 1886ની કલમ 27 અંતર્ગત એફ.આઈ.આર. નોંધાઈ હતી.
મળતી માહિતી પ્રમાણે સંઘપ્રદેશના પંચાયતી રાજ સચિવ શ્રી ગૌરવ સિંહ રાજાવતે દીવ જિલ્લા પંચાયતમાં વોર્ડ નંબર 4/8માં સાઉદવાડી-એ બેઠકના જિલ્લા પંચાયત સભ્ય ઉમેશ રામા બામણિયાએ પોતાની પાસે બે બર્થ સર્ટીફિકેટ હોવા છતાં ચૂંટણી પ્રક્રિયામાં ભાગ લેતાં ગૃહ મંત્રાલયે દાદરા નગર હવેલી અને દમણ-દીવના પંચાયત રેગ્યુલેશન-2012ની કલમ 66એ-1 સહિત અન્ય આદેશનો ભંગ કરતાં જિલ્લા પંચાયતના સભ્યપદેથી સસ્પેન્ડ કરવાનો આદેશ જારી કર્યો હતો.