ફટાકડાની દુકાનમાં રો-મટેરીયલને લીધે આગ લાગવાનું પ્રાથમિક તારણ
(વર્તમાન પ્રવાહ વાપી બ્યુરો)
વાપી, તા.02: વલસાડ સુગર ફેક્ટરી નજીક એક કોમ્પલેક્ષમાં આજે સાંજના દશ ઉપરાંત દુકાનોમાં અચાનક આગ લાગતા સમગ્ર વિસ્તારમાં અફરા તફરી છવાઈ ગઈ હતી.
વલસાડ સુગર ફેક્ટરી પાસે આવેલ એક કોમ્પલેક્ષમાં આજે સાંજના અચાનક એક દુકાનમાં આગ લાગતા એક પછી એક દશ ઉપરાંત દુકાનો આગની લપેટમાં આવી ગઈ હતી. આગ લાગવાનું પ્રાથમિક અનુમાન એવું લગાવાયું છે કે, એક દુકાનમાં ફટાકડાનું રો-મટેરીયલ હતું તેથી આગ લાગી હોવી જોઈએ. આગની જાણ બાદ પાલિકા અને અતુલ કંપનીના ફાયર ફાઈટરો ઘટના સ્થળે દોડી ગયા હતા પરંતુ કેટલીક દુકાનોના શટર બંધ હોવાથી શટર તોડવાની કવાયત હાથ ધરાઈ હતી. આગમાં ચાર જેટલા ઈસમો દાઝી જવાથી ઘાયલ થયા હોવાનું જાણવા મળેલ છે. તમામે ખાનગી હોસ્પિટલમાં સારવાર અર્થે ખસેડાયા હતા.
