અચાનક ભરતીનું પાણી ફરી વળતા પાણીમાં ખેંચાઈ જવાથી રાજ ટંડેલનું મોત નીપજ્યું: ગામ લોકોએ સતકર્તા વાપરી ભરતીના વળતાં પાણી આગળ જાળ બાંધતા લાશ ઘટના સ્થળેથી મળી
(વર્તમાન પ્રવાહ ન્યુઝ નેટવર્ક)
પારડી, તા.02: પારડી તાલુકાના ઉમરસાડી માછીવાડ સ્કૂલ ફળિયા ખાતે રહેતા રાજ અરવિંદભાઈ ટંડેલ ઉંમર વર્ષ 19 અને દક્ષ યશવંતભાઈ ટંડેલ બંને મિત્રો આજરોજ બપોરના ઘર નજીક આવેલ કોથરખાડીમાં ન્હાવા માટે ગયા હતા.
આ દરમિયાન ભરતીના પાણી અચાનક ફરી વળતા રાજ ભરતીના પાણીમાં ખેંચાઈ જતા પાણીમાં ડૂબી ગયો હતો જ્યારે દક્ષ પાણીની બહાર નીકળી જતા બચી ગયો હતો.
ઘટનાની જાણ થતા પારડી પોલીસ સ્ટેશનના પી.એસ.આઈ. એ.ડી. ડોડીયા તથા પારડી મામલતદાર આર. આર. ચૌધરી પણ ઘટના સ્થળે ઘસી ગયાહતા.
ભરતીને લઈ પાણી વધી જતા ડૂબી ગયેલ રાજને શોધવામાં ઘણી તકલીફ પડી હતી પરંતુ ગામજનોએ સતકર્તા વાપરી ભરતીના વળતાં પાણીમાં લાશ અન્ય જગ્યાએ વહી ન જાય જેને લઈ જાળ બિછાવતા રાજની લાશ જાળમાં અટકી જતાં ઘટના સ્થળેથી જ લાશ મળી આવી હતી.
પારડી પોલીસે લાશનો કબજો લઈ પી.એમ. માટે મોકલી વધુ તપાસ હાથ ધરી છે.
