વાયુ વેગે વિડીયો વાયરલ થતા લોકો પોલીસ સ્ટેશન દોડી ગયા : તાત્કાલિક સાહિલની અટક કરાઈ
(વર્તમાન પ્રવાહ વાપી બ્યુરો)
વાપી, તા.02: વલસાડ પારનેરામાં રહેતા એક વિધર્મી યુવાને સોશિયલ મીડિયામાં પાકિસ્તાન ઝીંદાબાદ જેવા શબ્દો-ગીત ભરેલો વિડીયો અપલોડ કરવાની ગુસ્તાખી ભારે પડી ગઈ હતી.
પારનેરામાં રહેતો સાહિત નામના યુવાને ગતરોજ સોશિયલ મીડિયામાં પાકિસ્તા ઝીંદાબાદનો વિડીયો અપલોડ કર્યો હતો. વિડીયોમાં પાકિસ્તાન ઝીંદાબાદ સાથે દિલકી આશ વતન અપના ઝઝબા વતન જેવું ગીત પણ વાગતું હતું. જેવો વિડીયો વાયરલ થતા વાયુવેગે વલસાડમાં સમાચાર ફરી વળ્યા હતા. લોકોના ટોળેટોળા સિટી પોલીસ સ્ટેશન પર પહોંચી ગયાહ તા અને હંગામો શરૂ થઈ ગયો હતો. પોલીસે તાત્કાલિક એકશન લઈને વિધર્મી યુવાન સાહિલની ધરપકડ કરી હતી. યુવાને પોલીસ સ્ટેશનમાં આવી બધાની જાહેર માફી માંગીને ભુલ સ્વિકારીને કહ્યું હતું ‘‘હિન્દુસ્તાન ઝીંદાબાદ”ના નારા લગાવ્યા હતા. હિન્દુસ્તાન ઝીંદાબાદ થા અને રહેગા તેવું કહી જાહેરમાં સાહિલએ માફી માંગી હતી.
