મંગળવારે રમાયેલી અંડર-14 છોકરાઓની પ્રથમ સ્પર્ધામાં જી.યુ.પી.એસ., મોડલ સ્કૂલ નાની દમણ વિજેતા બની
(વર્તમાન પ્રવાહ ન્યુઝ નેટવર્ક)
દમણ, તા.17 : કેન્દ્ર શાસિત પ્રદેશ દાદરા નગર હવેલી અને દમણ-દીવ પ્રશાસનના યુવા બાબતો અને રમત ગમત વિભાગ દ્વારા કેન્દ્ર શાસિત પ્રદેશની રમત ગમત સંસ્કૃતિ હેતુ પ્રશાસક શ્રી પ્રફુલભાઈ પટેલના દિશા-નિર્દેશમાં યુવા કાર્યક્રમ અને રમત ગમત વિભાગના સચિવ ડો. અરૂણ ટી. અને રમત ગમત વિભાગના નિર્દેશક શ્રી અરૂણ ગુપ્તાના સહયોગથી દમણમાં જિલ્લા સ્તરીય આંતર શાળા રમત ગમત સ્પર્ધાનું આયોજન કરવામાં આવી રહ્યું છે.
પ્રાપ્ત માહિતી મુજબ ગઈકાલે તા.16મી ઓક્ટોબરના રોજ જિલ્લા સ્તરીય આંતર શાળા રમત ગમત સ્પર્ધામાં અંડર 14છોકરાઓ માટે કબડ્ડી સ્પર્ધાનું આયોજન કરવામાં આવ્યું હતું. જેમાં દમણ જિલ્લાની 22 શાળાની ટીમોએ આનંદ અને ઉત્સાહથી ભાગ લીધો હતો.
મંગળવારે રમાયેલી દમણ જિલ્લા આંતરશાળા કબડ્ડી સ્પર્ધામાં અંડર 14 છોકરાઓની શ્રેણીમાં જી.યુ.પી.એસ., મોડલ સ્કૂલ દમણ વિજેતા બની હતી. જ્યારે જી.યુ.પી.એસ., રિંગણવાડા (અંગ્રેજી માધ્યમ) શાળા રનર્સ અપ રહી હતી અને ત્રીજા સ્થાને દિવ્ય જ્યોતિ આવી હતી.
આ દમણ જિલ્લા આંતરશાળા કબડ્ડી સ્પર્ધાને સફળ બનાવવા માટે તાલુકા રમત ગમત સંયોજક અને દમણ જિલ્લાના વિવિધ શાળાઓના શારીરિક શિક્ષણના શિક્ષકો અને વિભાગના કોચ તથા કર્મચારીઓ તેમનું યોગદાન આપી રહ્યા છે.