ઝીલ સોસાયટીમાં ઘટેલી ઘટના સીસીટીવીમાં કેદ : બે કાર માલિકોએ ફરિયાદ નોંધાવી
(વર્તમાન પ્રવાહ વાપી બ્યુરો)
વાપી, તા.18: વાપી ટાઉનમાં આવેલ ઝીલ સોસાયટીમાં ગત રાત્રે તસ્કરો કાર ચોરવા ઘૂસ્યા હતા. પરંતુ કંઈ નહી મળતા એક કારમાં રહેલ પાકીટ જેવા રોકડા 10 હજાર હતા તે ચોરી કરીને ફરાર થઈ ગયા હતા. ઘટના સીસીટીવીમાં કેદ થઈ હતી.
વાપી ઝીલ સોસાયટીમાં ગતરાતે 3 વાગ્યાના સુમારે તસ્કરો કાર ચોરી કરવાના ઈરાદે ઘૂસ્યા હતા. પાર્કિંગમાં રહેલ આઈટેન કાર નં.જીજે 15 અને હુન્ડાઈ કાર નં.જીજે 15 સીએલ 1017 ના કાચ તોડયા હતા. એક કારમાં પાકીટ મળી આવેલ. જેમાં 10 હજાર રોકડા, આધાર, પાન કાર્ડ હતું તે પાકીટ ચોરી ગયા હતા. બન્ને કારના કાચને નુકશાન કર્યું હતું. સોસાયટીમાં ફલેટ નં.401 અને 101માં રહેતા જાવેદ અખ્તર સૈયદ અને શાકીર ફારૂખ કુરેશીએ ટાઉન પોલીસમાં ફરિયાદ નોંધાવી હતી તેમજ સીસીટીવી ફૂટેજ પોલીસને બતાવ્યા હતા. ફરિયાદીના જણાવ્યા અનુસાર સ્પોટ ઉપર હજુ સુધી પોલીસ તપાસમાં આવી નથી.
