(વર્તમાન પ્રવાહ વાપી બ્યુરો)
વાપી, તા.20: વાપીમાં ઠેર ઠેર નવરાત્રી મહોત્સવની ધૂમ મચી છે, અનેક સ્થળે મોટા આયોજનો મોઘાડાટ પાસ સાથે ખેલૈયાઓને એન્ટ્રી આપવામાં આવી રહી છે ત્યારે સંસ્કળતિક અને બે તાળીના ગરબાનું ભવ્ય આયોજન છેલ્લા 3 વર્ષથી સતત વાપીના ચલા ખાતે પ્રમુખ ગ્રીન સીટીમાં કરવામાં આવી રહ્યું છે. ચોથા વર્ષે પણ ભવ્ય આયોજન કરવામાં આવ્યું છે જેમાં વડીલો મહિલાઓબાળકો યુવાનો મોટી સંખ્યામાં સતત આરતી, પૂજા અને પરંપરાગત ગરબાનું આયોજન કરીને માતાજીની નવ દિવસ સુધી આરાધના કરવામાં આવે છે. આ વર્ષે પણ ઉત્સાહ પૂર્વક નવરાત્રી 2023 નું આયોજન કરવામાં આવ્યું છે જેને સફળ બનાવવા માટે પ્રમુખ વિશાલ કાપડિયા, જીજ્ઞેશ ભાનુશાળી ઉપ પ્રમુખ, સેક્રેટરી ઉદય દેસાઈ, જીનેશ દેસાઈ મીડિયા કન્વીનર, વસંત ભાનુશાળી સંસ્કળતિક કાર્યક્રમ કમિટી સભ્ય વસરામભાઈ આહીર સભ્ય સહીતના લોકો જહેમત ઉઠાવી રહ્યા છે.
વાપીના ચલામાં નામાંકિત સોસાયટીમાંની એક એટલે પ્રમુખ ગ્રીન સીટી ચલા જ્યાં તમામ બિલ્ડીંગના રહીશો માતાજીની ભક્તિભાવ પૂર્વક આરાધના કરે છે. જ્યાં સતત 9 દિવસ સુધી માતાજીના ગરબાનું આયોજન કરવામાં આવ્યું છે. આ વર્ષે પણ ઉત્સાહભેર આયોજન કરાયું છે.
