(વર્તમાન પ્રવાહ ન્યુઝ નેટવર્ક)
દમણ, તા.02 : દમણના ક્રિકેટ ખેલાડી શ્રી ઉમંગના ટંડેલના કોચ શ્રી ભગુ પટેલના જણાવ્યા પ્રમાણે સૈયદ અલી ટી-20 નોક આઉટ મેચમાં ગુજરાતની સિનિયર ટીમ ઉત્તર પ્રદેશ સામે હારી ગયા બાદ ગુજરાત ક્રિકેટ એસોસિએશને બે ખેલાડીઓને ઓલ ઈન્ડિયા આંતર રાજ્ય અંડર-23માં એક દિવસીય મેચમાં ફક્ત લીગ સ્પર્ધા માટે ટીમમાં સામેલ કર્યા છે. જેમાં સંઘપ્રદેશ દમણના શ્રી ઉમંગ ટંડેલની પણ પસંદગી કરવામાં આવી છે.
શ્રી ઉમંગ ટંડેલના કોચ શ્રી ભગુ પટેલે જણાવ્યું છે કે ઉમંગ ખૂબ જ સારો ઓલરાઉન્ડર ખેલાડી છે જેને તક મળતાં સારૂં પ્રદર્શન કરશે અને હું માનું છું કે ગુજરાતની ટીમને વિજય તરફ દોરી જશે.
આ અવસરે સંઘપ્રદેશ દાદરા નગર હવેલી અને દમણ-દીવના રમત ગમત સચિવ ડો. અરુણ ટી, રમત ગમત નિયામક શ્રી અરુણ ગુપ્તા, મદદનીશ શારીરિક શિક્ષણ અધિકારી શ્રી અક્ષય કોટલવાર, તાલુકા રમત ગમત સંગઠક શ્રી દેવરાજ સિંહ અને ક્રિકેટ કોચ શ્રી ભગુ પટેલનેઅભિનંદન આપ્યા હતા.
