ધોબીતળાવ, વલસાડ, વાપી, સુલપડ તેમજ કરમબેલામાં કોમ્બીંગ કાર્યવાહી હાથ ધરાઈ
(વર્તમાન પ્રવાહ વાપી બ્યુરો)
વાપી, તા.26: વલસાડ જિલ્લા પોલીસ દ્વારા વલસાડ જિલ્લામાંસંવેદનશીલ વિસ્તારોમાં પોલીસ દ્વારા શનિવારે સાંજે કોમ્બીંગ કાર્યવાહી હાથ ધરાઈ હતી.
કાયદો વ્યવસ્થા અને જાહેર સલામતિને ધ્યાને રાખી જિલ્લા પોલીસ વડાની સુચના મુજબ વલસાડ શહેર, વાપી અને ઉમરગામના સંવેદનશીલ વિસ્તારોમાં પોલીસે કોમ્બીંગ કાર્યવાહી કરી હતી. જેમાં વલસાડ પોલીસ, વાપી, જીઆઈડીસી અને ટાઉન તથા ભિલાડ અને ઉમરગામની જુદી જુદી પોલીસ ટીમો દ્વારા કોમ્બીંગ કાર્યવાહી હાથ ધરાઈ હતી. વલસાડના સંવેદનશીલ ગણાતા ધોબીતળાવ વિસ્તારમાં દારૂ વેચનારા સંકાસ્પદ ઈસમોના ઘરોનું ચેકીંગ કરાયું હતું તેમજ આજ વિસ્તારમાં વાહન ચેકીંગ પણ કરવામાં આવ્યું હતું. વાપીમાં સંવેદનશીલ ગણાતા સુલપડ વિસ્તારમાં જીઆઈડીસી અને વાપી ટાઉન પોલીસ દ્વારા સઘન કોમ્બીંગ કરવામાં આવ્યું હતું તેજ પ્રમાણે ભીલાડ અને ઉમરગામ પોલીસે સંવેદનશીલ ગણાતા કરમબેલા વિસ્તારમાં પણ કોમ્બીંગ કાર્યવાહી કરાઈ હતી. પોલીસની કોમ્બીંગ કાર્યવાહીને લીધે અસામાજીક તત્ત્વોમાં ફફડાટ ફેલાયો હતો.
