(વર્તમાન પ્રવાહ ન્યુઝ નેટવર્ક)
દમણ,તા.27 : ‘વિશ્વ પ્રવાસન દિવસ’ નિમિત્તે ભારત સરકારના પ્રવાસન મંત્રાલય અને કેન્દ્ર શાસિત પ્રદેશ દાદરા નગર હવેલી અને દમણ-દીવના પ્રવાસન વિભાગ દ્વારા દમણ ખાતે વિશ્વ પ્રવાસન દિવસ પર ‘ટ્રાવેલફોર લાઇફ પ્રોગ્રામ’ની વૈશ્વિક શરૂઆતનું આયોજન કર્યું હતું. જેમાં 260 યુવા ટુરિઝમ ક્લબના સભ્યો, હોટેલ સ્ટાફ અને દેવકા ગામના નાગરિકો દેવકા બીચ પર આયોજીત સ્વચ્છતા અભિયાનમાં જોડાયા હતા અને ભારતને ટકાઉ પ્રવાસન સ્થળોમાંનું એક બનાવવા માટે ‘ટ્રાવેલ ફોર લાઇફ’નો સંકલ્પ લીધો હતો. દરમિયાન શાળાના વિદ્યાર્થીઓએ મોટી દમણના કિલ્લા ખાતે માર્ગદર્શિત હેરિટેજ વોકમાં ભાગ લીધો હતો.
