(વર્તમાન પ્રવાહ ન્યુઝ નેટવર્ક)
સરીગામ, તા.07: ઉમરગામ જીઆઈડીસીમાં કાર્યરત ચંદન સ્ટીલ કંપનીમાં ગત રાત્રી દરમિયાન ભઠ્ઠીમાં પ્રેશર આપતા ગરમ પ્રવાહ બહાર આવવાની ઘટના બનવા પામી હતી. આ સમય દરમિયાન ભઠ્ઠી નજીક કામ કરી રહેલા શિફટ ઈન્ચાર્જ સહિત સાત કામદાર ગંભીર રીતે દાઝી જવા પામ્યા હતા. આ આકસ્મિક ઘટનામાં ઈજાગ્રસ્ત થનાર સીફટ ઈન્ચાર્જ નરેન્દ્રનાથ અને સાત જેટલા કામદારો મદનરાય, સંતોષકુમાર, માર કુબેર, સુનિલભાઈ, રામશંકર, અને લપ પ્રીતને હાથે અને પગે તેમજ શરીરે ગરમ પ્રવાહ લાગતા ગંભીર રીતે જખમી થવા પામ્યા હતા. જેઓને તાત્કાલિક સારવાર માટેવાપીની હરિયા હોસ્પિટલમાં ખસેડવામાં આવ્યા હતા.
