(વર્તમાન પ્રવાહ ન્યુઝ નેટવર્ક)
દમણ, તા.08 : આજે કેન્દ્ર શાસિત પ્રદેશ દાદરા નગર હવેલીના સુરંગી ગ્રામ પંચાયત ખાતે ‘વિકસિત ભારત સંકલ્પ યાત્રા’ આવી પહોંચતા અહીં તેનું જોરદાર સ્વાગત કરવામાં આવ્યું હતું. સુરંગી પંચાયત ઘર ખાતે યોજાયેલ કાર્યક્રમમાં સુરંગી વિભાગના જિ.પં. સભ્ય અને દાનહ જિલ્લા પંચાયતના અધ્યક્ષ શ્રી દામજીભાઈ કુરાડા, સુરંગીના સરપંચ શ્રીમતી રંજનાબેન હેમંતભાઈ પટેલ, વોર્ડ સભ્યો અને ગ્રામજનો મોટી સંખ્યામાં ઉપસ્થિત રહ્યા હતા.
કાર્યક્રમમાં મોદી સરકારની વિવિધ લોક કલ્યાણકારી યોજનાઓની માહિતી આપવામાં આવી હતી. આ પ્રસંગે ઉપસ્થિત ગ્રામજનો સહિત તમામે ‘વિકસિત ભારત’ના શપથ લીધા હતા.
