તંત્ર ગ્રાહકો પાસેથી પાણીના બે થી અઢી કરોડ માસિક વસુલે છે
(વર્તમન પ્રવાહ વાપી બ્યુરો)
વાપી, તા.08: વાપી નોટિફાઈડ દ્વારા ઔદ્યોગિક વસાહત અને રહેઠાણ એરીયા પાણી પુરવઠા પુરો પાડવાની સેવા અપાઈ છે. પરંતુ આ સેવા થકી વેપાર થતો હોય તેવુ ફલિત થઈ રહ્યું છે.
વાપી ઉદ્યોગ વસાહતને સિંચાઈ વિભાગ તરફથી પુરુ પાડવામાં આવે છે. લગભગ 15 લાખ કે.એલ. ઈન્ડસ્ટ્રીઝ યુઝ અને સાડા ત્રણ લાખ હાઉસિંગ યુઝમાટે પુરુ પડાતા પાણી પેટે ઈન્ડસ્ટ્રીઝના 39,11 રૂપિયા તથા હાઉસિંગ 4,73 રૂપિયા પ્રતિ કિલોલીટર લેખે અંદાજે મહિને રૂપિયા છ કરોડનું બિલીંગ થાય છે.
જ્યારે નોટીફાઈડ ઓથોરિટી આ પાણી ફિલ્ટર કરીને ઈન્ડસ્ટ્રીયલ યુઝ માટે રૂા.67.50 પ્રતિ કે.એલ. અને હાઉસિંગ યુઝ માટે 12.50 કે.એલ.ના દરે પાણી સપ્લાય કરવામાં આવે છે. ઈરીગેશન વિભાગ દ્વારા મળેલ પાણીનું ફિલ્ટરેશન કરાય છે તેમાં આવતો ખર્ચો સરપ્લસ કરો તો પણ 60 થી 70 લાખ થાય છે તો પછી બિલીંગ દશ કરોડ ઉપરાંતનું શા માટે? તેથી જણાઈ આવે છે કે નોટિફાઈડ માટે પાણી વિતરણ એ સેવા નહી પરંતુ વેપાર હોય તેવુ લાગી રહ્યું છે.
