ભંગારના ગોડાઉનમાં પુરીને આરોપીઓએ ઘર સળગાવી દેવા સુધ્ધાની ધમકી આપી હતી
(વર્તમાન પ્રવાહ વાપી બ્યુરો)
વાપી, તા.14: વલસાડમાં એક યુવતિ સાથે વિડીયો કોલીંગ દ્વારા વાત કરતા યુવતિના સગા સબંધીઓએ પરિવારને ભંગારના ગોડાઉનમાં બંધક બનાવી ઘર સળગાવી નાખવા સુધીની ધમકી આપતા પોલીસમાં 12 સામે રાયોટીંગનો ગુનો નોંધાયો છે.
અતુલ વિસ્તારમાં એક મુસ્લિમ યુવતિ ઉપર કોઈ યુવકે વિડીયો કોલીંગથી દોઢ મહિના અગાઉ વાત કરી હતી. આ મામલે યુવતિના સગા સબંધીઓ યુવકના પરિવારને એક ભંગારના ગોડાઉનમાં પુરીને ધમકી આપી હતી. ઘર પણ સળગાવી દઈશું તેવી મળેલી ધમકી બાદ પરિવારે પોલીસમાં ફરિયાદ કરતા પોલીસે 12 જેટલા ઈસમો વિરૂધ્ધ રાયોટીંગનોગુનો દાખલ કરી આગળની કાર્યવાહી હાથ ધરી છે.
