(વર્તમાન પ્રવાહ ન્યુઝ નેટવર્ક)
પારડી, તા.18: પારડી તાલુકાના પરવાસા બ્રાહ્મણફળિયા ખાતે રહેતા હર્તીશ મહેશભાઈ ધોડિયા પટેલ ઉ.વ.19 તા.16-12-2023 ના રોજ રાત્રે 9.00 વાગે ઘરેથી જમીને ફળિયામાં ગયો હતો. જે રાતે 10.30 વાગે પણ પરત ઘરે ન ફરતા ઘરના સદસ્યો રાહ જોઈ આવી જશે એવું સમજી સુઈ ગયા હતા.
સવારે ગામના જ પરંતુ બાજુના ફળિયામાં રહેતા નટુભાઈ વેલજીભાઈએ મહેશભાઈને તમારો છોકરો હર્તીશ બ્રાહ્મણ ફળિયામાં આવેલ રાકેશભાઈ રમણભાઈ ધોળીયા પટેલના ખેતરની પાળ પર આવેલ લીમડાના ઝાડની ડાળી પર દોરડું વડે ગળે ફાંસો ખાઈ ગયો હોવાની જાણ કરતા તરત જ ફળિયાના અન્યો લોકો સાથે બનાવના સ્થળે દોડી જઈ જોતા કોઈ અગમ્ય કારણસર હર્તીશ લીમડાની ડાળી પર દોરડું બાંધી ગળે ફાંસો ખાઈ લટકતો હતો.
આ અંગેની જાણ પારડી પોલીસને કરાતા પારડી પોલીસે સ્થળ પર પહોંચી લાશને નીચે ઉતારી પી.એમ. માટે પારડી સી.એચ.સી. ખાતે લાવી પિતા મહેશભાઈની ફરિયાદને લઈ વધુ તપાસ હાથ ધરી છે.
