(વર્તમાન પ્રવાહ ન્યુઝ નેટવર્ક)
પારડી, તા.29: પારડીના અરનાલા પાટી ગામે વીજ ચેકિંગમાં પહોંચેલી નાનાપોંઢા ઝઞ્સ્ઘ્ન્ની ટીમે વીજ ચોરી ઝડપી પાડ્યા બાદ તેમના પર ત્રણ ઈસમોએ હુમલો કર્યો હતો જે હુમલો કરનાર ત્રણ આરોપીની પારડી પોલીસે ધરપકડ કરી છે.
ધરમપુર દ.ગુ. વીજ કંપનીની સૂચના મૂજબ ગત તા.8 ડિસેમ્બરના શુક્રવારના રોજ નાનાપોંઢા સબ ડિવિઝનના કર્મચારીઓ પારડી તાલુકાના અરનાલાના પાટી ગામે વડ ફળિયામાં વીજ ચેકિંગ માટે ગયા હતા. ત્યારે એક ઘરમાં વીજ ચોરી ઝડપાઈ હતી. જેથી ડીજીવીસીએલના કર્મચારીઓએ વીજ ચોરીનો કેસ કરવા માટે ઘરના સભ્યો પર લાઈટ બિલની માંગણી કરતા ઘર માલિક ગણાતા બે ભાઈઓ હેમંત ગોવિંદભાઈ ધો.પટેલ ઉ.વ.39 અને પ્રદીપ ગોવિંદભાઈ ધો.પટેલ ઉ.વ.34 અને અન્ય એક ઈસમ કમલેશભાઈ ઉર્ફે કલ્પેશ નવીનભાઈ પટેલે ઉશકેરાઈ જઈ જુનિયર ઈજનેર હેમંત સી. પટેલ પર ચપ્પુ વડે હુમલો કર્યો હતો અને જેમને બચાવવા અન્ય જુનિયર ઈજનેર પીનાક કુકડીયા પડતા તેમના હાથની આંગળીના ભાગે ચપ્પુ વાગ્યું વાગ્યું હતું. જ્યારે અન્ય ઈજનેરને ગુપ્તમારવાગ્યો હતો. ત્યારે આ બાબતે પારડી પોલીસ મથકે ફરિયાદ નોંધાઈ હતી જે બાદ હુમલો કરનાર ત્રણ આરોપીઓ ફરાર થઈ ગયા હતા ત્યારે વીજ કર્મચારીઓ પર હુમલો કરનાર ત્રણેય આરોપીની ધરપકડ કરી છે. અને તેમને કોર્ટમાં રજુ કરવાની તજવીજ હાથ ધરી છે.
