ત્રણેય અકસ્માતમાં કોઈ જાનહાની નહી : ચાલકોને નાની મોટી ઈજા થઈ હતી
(વર્તમાન પ્રવાહ વાપી બ્યુરો)
વાપી, તા.29: વલસાડ અતુલથી ડુંગરી સુધીનો હાઈવે અકસ્માત ઝોન બની ગયો છે. આજે શુક્રવારે સવારે વધુ એક ટ્રિપલ અકસ્માત સર્જાયો હતો. કન્ટેનર પલટી મારી જતા થયેલા ટ્રાફિકને લઈ એક ટ્રકે કારને ટક્કર મારી ઘસડી જતા કારનો ખુરદો બોલી ગયો હતો. અકસ્માતોને લઈ કલાકો સુધી ટ્રાફિક જાણ થઈ ગયો હતો.
વલસાડ હાઈવે સુગર મિલ નજીક આજે સવારે સુરત તરફથી આવી રહેલ પુઠાના બોક્ષ ભરેલ કન્ટેનર જીજે 38 ટી 4070ને આગળની ટ્રકે દબાવતા કન્ટેનર ડિવાઈડર ઉપર ચઢી પલટી મારી ગયું હતું. અકસ્માતને લઈ થયેલા ટ્રાફિક જામમાં ટ્રક નં.જીજે 03 બીડબલ્યુ 6677 ના ચાલકે આગળ જતી સુરતની કાર નં.જીજે 05 જેબી 6161ને ટક્કર મારી કારને ઘસડી જતા કારનો ખુરદો બોલાઈ ગયો હતો. આ ટ્રિપલ અકસ્માતોમાં કોઈ જાનહાની થઈ નહોતી પરંતુ દરેક વાહન ચાલકોનો આબાદ બચાવ થયો હતો. માત્ર નાની મોટી ઈજાઓ થઈ હતી. અકસ્માતથી હાઈવે ઉપર વાહનોની કતારો લાગી જતા ટ્રાફિક જામની સમસ્યા થઈ હતી. પોલીસ ઘટના સ્થળે પહોંચીને કન્ટેનરને ક્રેઈનની મદદથી સાઈડમાં કરી લેતા હાઈવે ખુલ્લો થયો હતોઅને ટ્રાફિક કલાકો બાદ રાબેતા મુજબ થયો હતો.