(વર્તમાન પ્રવાહ ન્યુઝ નેટવર્ક)
પારડી, તા.11: પારડી તાલુકાના પરિયા ગામે દેસાઈવાડ ખાતે રહેતો 27 વર્ષીય વિજયભાઈ દિલિપભાઈ હળપતિ જે ગત તા.5 જાન્યુઆરીના સાતેક વાગ્યે સાંજે ગામના રોડ પર ચાલવા જાવ છું કહી ઘરેથી નીકળ્યો હતો જે બાદ તે મોડી રાત સુધી ઘરે પરત ન ફરતા પરિવારજનો ચિંતિત બન્યા હતા અને ફળિયામાં તેમજ આજુ બાજુ વિસ્તારમાં શોધખોળ હાથ ધરી હતી જેની કશે પણ ભાળ ન મળતા વિજયના મોટાભાઈ સતિષભાઈએ પારડી પોલીસ મથકે આવી સમગ્ર બાબત જણાવી તેનો ભાઈ ગુમ થયો હોવાની ફરિયાદ નોંધાવી છે જે આધારે પારડી પોલીસે વિજયની શોધખોળ હાથ ધરી છે. અને જો વિજય વિશે કોઈને કશી માહિતી હોય કે પછી નજરે ચઢે તો પારડી પોલીસનો સંપર્ક કરવા અપીલ કરી છે.
