સંઘપ્રદેશના પ્રશાસક પ્રફુલભાઈ પટેલે ઉત્તરાયણ પર્વ નિમિત્તે પોતાના માદરે વતન હિંમતનગર ખાતે પતંગ ચગાવવાનો લીધેલો આનંદ
(વર્તમાન પ્રવાહ ન્યુઝ નેટવર્ક)
હિંમતનગર, તા.15 : સંઘપ્રદેશના પ્રશાસક શ્રી પ્રફુલભાઈ પટેલે પોતાના માદરે વતન હિંમતનગર ખાતે ધારાસભ્ય શ્રી વી.ડી.ઝાલા તથા અન્ય આગેવાનો સાથે મકર સંક્રાંતિ-ઉત્તરાયણના પાવન પર્વ નિમિત્તે આકાશમાંપતંગ ચગાવી આનંદ માણ્યો હતો. પ્રશાસકશ્રીએ આકાશમાં ઉડતી અનેક પતંગો કાપી હતી અને તેમના વિસ્તારમાં કોઈ પતંગ આવવાની હિંમત પણ નહીં કરે એવી સ્થિતિ નિર્માણ થઈ હોવાનું વાયરલ થયેલા વીડિયો ઉપરથી પ્રતિત થાય છે.
સંઘપ્રદેશ દાદરા નગર હવેલી અને દમણ-દીવ તથા લક્ષદ્વીપના પ્રશાસક તરીકે પણ શ્રી પ્રફુલભાઈ પટેલની હાક ધાક અને નિષ્ઠા સામે ભલભલાને ઝૂકવાની ફરજ પડી હતી. તેમાં અસામાજિક તત્ત્વો તો ક્યાં ભૂગર્ભમાં ચાલી ગયા યા તો પોતાનો ધંધો-પાણી બદલી સદ્ગૃહસ્થ બન્યા છે. ત્યારે પ્રશાસક તરીકે પણ તેમણે અનેકોની કાપેલી ‘પતંગ’ના કારણે ક્યાં તો કપાયા છે, નહીં તો અટવાયા અને બાકી રહ્યા તે ભટકાયા પણ ખરા..!
