(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.12: પોલીસ મથકેથી પ્રાપ્ત માહિતી અનુસાર બુધવારના રોજ મળસ્કેના સમયે ખૂંધમાં કોલેજ રોડ ઉપર મરધા ફાર્મની બાજુમાં આવેલ શ્રી રામ પેઇન્ટ્સ નામની દુકાનમાં અચાનક આગ ફાટી નીકળતા દુકાનમાં રાખેલ કંપનીના કલરના ડબ્બાઓ, ટેબલ, ખુરશી, કલર મશીન, કેમેરા ઉપરાંત રોકડા રૂા.40,000/- તથા અન્ય સામગ્રી મળી રૂા.10 લાખનું નુકશાન થવા પામ્યું હતું. દુકાનમાના ઈલેક્ટ્રીક બોર્ડમાંથી શોર્ટ સર્કિટ થવાના કારણે અચાનક આગ લાગી હોવાનું જણાતા આ અંગેની જાણ દુકાન માલિક અનિલ અંબુભાઈ ગોહિલે (રહે.બામણવેલ પહાડ ફળીયા તા.ચીખલી) કરતા પોલીસે કાયદેસરની કાર્યવાહી કરી હતી.
