પારનેરા ગામના સાસરીયા પક્ષના લોકો પણ જમાઈ ધવલ પટેલના ચૂંટણી પ્રચારમાં જોડાઈ ગયા
(વર્તમાન પ્રવાહ વાપી બ્યુરો)
વાપી, તા.27: વલસાડ જિલ્લાના લોકસભા ચૂંટણીના ભાજપના ઉમેદવાર ધવલ પટેલએ પુરજોશમાં ચૂંટણી પ્રચાર આરંભી દીધો છે. પત્રિકા યુધ્ધને અવગણી ધવલ પટેલ પારનેરામાં ચૂંટણી પ્રચારમાં પહોંચ્યા હતા. પારનેરા ગામ તેમની સાસરી હોવાથી સાસરી પક્ષએ જમાઈને જીતાડવા ચૂંટણી સભા યોજાઈ હતી. જેમાં સ્થાનિકો સહિત આજુબાજુના ગામના લોકો પણ ધવલ પટેલના સમર્થનમાં મોટી સંખ્યામાં ઉમટી પડયા હતા.
ધવલ પટેલના અનેક ગામોમાં પણ સગા સબંધીઓ રહે છે. તાલુકાના ઝરી ગામમાં પણ કૌટુંબીક સગા સબંધીઓ રહે છે ત્યારે તેમણે જણાવ્યું હતું કે ધવલ પટેલ અમારો દિકરો છે. અમો 5 લાખથી વધુની લીડથી જીતાડીશું તેવો દૃઢ વિશ્વાસ વ્યક્ત કર્યો હતો. સાથે સાથે બાજુના ગામ ચણવઈમાં પણ ચૂંટણી સભા યોજાઈ હતી. જેમાં લોકસભાના પ્રભારી કરસનભાઈ ટીલવા, સંયોજક ગણેશભાઈ બિરારી, હર્ષદ કટારીયા, ભાજપના સંગઠનના જિલ્લાના હોદ્દેદારો, ગામના સરપંચ,તા.પં.ના સભ્ય તેજલબેન પટેલ સહિત મોટી સંખ્યામાં લોકો ઉપસ્થિત રહ્યા હતા. ભાજપના ઉમેદવાર ધવલ પટેલને જીતાડવાનો એક સુરે અવાજ બુલંદ કર્યો હતો.
