ગુંદલાવમાં પોલીસે રેડ કરી જુગાર રમાડતા દિનેશ ભુરીયા રાઠોડની અટક કરી લોકઅપમાં રાખવામાં આવ્યો હતો
(વર્તમાન પ્રવાહ વાપી બ્યુરો)
વાપી, તા.12: વલસાડ પોલીસ સ્ટેશન લોકઅપમાં રાખવામાં આવેલ આરોપીને જમતા જમતા ખેંચ આવતા હોસ્પિટલમાં ખસેડાયો હતો. જ્યાં ફરજ પરના તબીબે મૃત જાહેર કર્યો હતો.
વલસાડ ગુંદલાવના કોચર ફળીયામાં હાર-જીતનો જુગાર-રમાડવામાં આવે છે તેવી બાતમી મળતા રૂરલ પોલીસે રેડ કરી હતી. ઘટના સ્થળેથી રૂા.130 સાથે આરોપી દિનેશ ભુરીયા રાઠોડની પોલીસે અટક કરીને પોલીસ લોકઅપમાં પુરી દીધો હતો. સાંજે દિનેશ જમતો હતો ત્યારે અચાનક ખેંચ આવતા પોલીસે 108 દ્વારા ખાનગી હોસ્પિટલમાં ખસેડયો હતો. જ્યાં ફરજ પરનાતબીબે દિનેશને મૃત જાહેર કર્યો હતો. કસ્ટોડિયલ ડેથ થતા ઉચ્ચ પોલીસ અધિકારીઓ હોસ્પિટલમાં પહોંચ્યા હતા. ઘટનાની જાણ પરિાવરને થતા બે પૂત્રો અને પત્નીએ અપમૃત્યુના આક્ષેપ કરી સંપુર્ણ તપાસની માંગણી કરી હતી.
